【早段放得太快 布文停完賽無耐再被罰】

Homan

布文上星期六策騎金拖鞋大賽冠軍 Farnan 出戰二級賽Run To The Rose,以第五名過終點。

賽後被競賽小組問話,詢問佢早段既騎法。當時研訊順延至今日繼續,小組裁定布文賽事早段騎法令Farnan失去機會爭勝,確定布文違反「騎師需盡一切可行辦法讓座騎可以獲得最佳名次。」,罰布文停20個賽馬日,預計於9月27號執行,並可於10月17可以再次復出上陣,即The Everest當天復出。佢會缺席葉森讓賽、航班錦標及The Metropolitan等一級賽。

布文於研訊否認控罪並指出Farnan相當重口,一旦佢著意推騎,佢將難以控制,只能於鞍上成為乘客(Passenger)。佢亦指佢已經盡佢最大努力去穩定及放鬆座騎及認為一旦於早段過份約束,對爭勝並無任何幫助。

該仗Farnan於頭六百米造34秒21,一度與主馬群拉開五個馬位左右。入到最後直路無以為繼,被Rothfire趕過,以第五名完成賽事。

布文早前因直路上取位致艾擎斯墮馬受傷,當地時被罰停賽六週。佢於上星期六復賽就被指控「未給予座騎有足夠爭勝機會」而再被停賽。


Source: Racing NSW; Racenet