Homan

3 March 2020 at 10:54:55 am

日本中央競馬會宣布今個星期繼續閉門作賽，而旗下既場外投注站將繼續關閉。

有報導就話可以網上投注既「即PAT」多左好多人申請，睇黎好多人都有呢方面既需要。即使投注站冇開，「即PAT」都可以係網上申請，只要你持有同JRA合作既銀行戶口就得喇。

但當然有啲人都係無得網上投注既，然後又忍唔到。佢地就會去左本來已經日漸式微及不斷被打擊緊既非法外圍投注站（ノミ屋）。近日有人就貼左橫濱其中一間ノミ屋既情況出黎，果度同時有競輪、競艇及競馬（包括中央及地方）既轉播，當然仲有得投注啦！而呢啲非法外圍投注站都會有唔同方法留住啲人，例如輸左既話會退番一成比啲客。

ノミ其實同日文飲む同音，解作飲。如果係呢啲非法投注輸左既注碼會當佢係ノミ屋買左野飲，個情況就好似飛田新地料理組合都係用食料理做名目而成為紅燈區。講番ノミ屋先，佢係觸犯左所有公營競技既條例，同時亦令公營競技既收入減少，亦有機會為犯罪份子帶黎資金來源。而且除左開設既人之外，投注既人都有機會被檢控，切勿以身試法！

Source: @akeedmofeed