【日本重賞戰報】

Tony

​

日本今個星期有四場級際賽舉行，邊啲馬可以留意呢？

日本今個星期有四場級際賽舉行，東京同京都各有兩場。

尋日兩場2歲賽，先係東京嘅京王盃2歲錦標，Taisei Vision以破場地紀錄時間贏出呢場1400m二級賽；京都嘅三級賽奇幻錦標就由Resistencia贏咗，大熱門「魔法城堡」(Magic Castle)後上不及得亞軍。

今日兩場古馬戰線就對嚟緊嘅大賽有影響啦，東京嘅二級賽阿根廷盃，上年亞軍「萬分感謝」(Muito Obrigado)今年終於坐正贏出第一場級際賽，連續兩場札幌公開賽跑得好嘅Taisei Trail攞亞軍，壓贏大熱門African Gold。「萬分感謝」如無意外下一場會跑日本盃。

京都嘅泥地賽京都錦標，今場頭馬係Vengeance，佢拎到冠軍盃優先資格。不過大家可以睇下「日輪之神」今場表現係點，換咗川田將雅上陣，16檔起步全程走三疊望空，未入直路已經收工，結果包尾而回；另外同場Meisho Utage入直路前撞到「日輪之神」墮馬。

重溫：