【日本賽馬史上首次同年出現兩匹無敗二冠馬?】

Homan

25 May 2020, 2:06:31 pm

今個星期日或可以見證歷史時刻!

三歲雌馬Daring Tact(デアリングタクト)琴日係日本橡樹大賽交出強橫後勁並贏出賽事。佢亦都成為自1957年後,以不敗馬身份達成日本雌馬兩冠既賽駒。大戰過後,Daring Tact雖然有啲攰,但相信休息下就無乜問題。而幕後亦決定以三冠雌馬尾關秋華賞為目標。

今個星期日,日本將會上演日本打吡大賽,皐月賞冠軍兼不敗馬「鐵鳥翱天」(Contrail、コントレイル)將擺下擂台迎戰各匹三歲雄馬精英。翻查記錄,日本未曾試過同年內出現雌雄無敗二冠馬。如果「鐵鳥翱天」能夠可以贏得今個星期日既賽事,不但可以為福永祐一帶來三年內第二個打吡大賽冠軍,更可以締造歷史!