【日本見習騎師大塚海渡遭師父打 訴諸民事法庭】

Homan

14 January 2021 at 1:20:58 pm

日本見習騎師大塚海渡於2019年出道，師承練馬師木村哲也，2020年取得35場頭馬，排係日本練馬師榜15位。大塚海渡則出道九個月僅得3場頭馬。

大塚於2020年1月5日墮馬重傷，因頭部嚴重受傷且有瘀血，一度連只能好似小學生咁講野。一直為恢復健康努力且希望再次重上馬鞍出賽。

今年初，為騎馬人既大塚海渡爸爸開記招指佢地將會以民事訴訟控告木村哲也先後兩次打大塚海渡，令其身心受損，並希望木村可以賠償損失，金額為850萬日圓。（約六十三萬港元）

傳媒報導指木村承認希望教育好大塚，曾經打過對方，並承諾自己將來若繼續成為其師父，唔會以相同方法對待大塚。

網上就有消息就話兩次襲擊事件都係發生於2019年12月中，第一次於木村馬房事務所內發生。當時木村即將出席其他馬房既宴會，大塚為師父既禮品包寫名。木村覺得大塚啲字太樣衰而打大塚，並喝罵對方。

第二次就發生於12月下旬，當時大塚因為踩單車跌親而腦震盪，需要停止操馬及騎馬休養至2020年初。當時大塚於晨課露面觀操，但佢就坐左木村個位而激嬲木村。木村叫左大塚去一個無人既走廊，並大打佢正受治療既頭部。當時大塚並無告知其他人，承受住巨大壓力。

之後大塚因墮馬受傷，需長期休養。而且受傷令佢唔能夠流暢講出事發原因，因此拖到近半年後先對質。據知大塚父母曾一度向木村了解事件，木村曾一度提出讓大塚轉自由身騎師，但大塚父母表明知情後就隨即道歉。大塚家就希望木村可以道歉並向公眾說明事件及與JRA各練馬師檢討如何防止同類事件發生，但遭到拒絕。結果大塚決意以民事訴訟討回公道。

練馬師木村哲也發聲明表示對於引起事件感到抱歉，由於案件進入司法程序，佢現階段唔會作任何評論。

Source: 日刊スポーツ