【日本盃】三海外賽駒接受邀請 日本打吡冠軍回配育馬者盃冠軍級騎師

Homan

11 November 2021, 9:14:00 am

日本盃將於今個月28號於東京競馬場上演,今屆將會有三匹外隊馬出戰日本盃。

日本傳媒今日報導三匹外隊經已接受JRA邀請,並於11月19號抵達日本備戰。三匹賽駒分別係岳伯仁訓練嘅「波爾明」(Broome)、「日出之國」(Japan)及巴托里寜訓練嘅「偉大光榮」(Grand Glory)。岳伯仁兩駒據知會由莫雅及武豊操刀,但邊個騎邊一匹就暫時未知。「波爾明」及「日出之國」兩駒分別於美國育馬者盃草地大賽分別取得亞軍及殿軍。睇下稍事休息後可唔可以於一級賽延續表現喇。而「偉大光榮」預計由杜滿樂執韁,呢匹歌劇錦標亞軍跑埋呢場就會退役,會唔會可以成就有終之美呢?

另外,日本打吡冠軍「大帝」(Shahryar,シャフリヤール)按原定計劃備戰日本盃。而由於福永祐一需為「鐵鳥翱天」(Contrail,コントレイル)執韁,「大帝」將會回配川田將雅。川田曾策「大帝」攻下三級賽每日盃,川田將雅上星期日為日本贏得育馬者盃雌馬草地大賽,睇下手風大順下會唔會策「大帝」贏埋日本盃喇!

Source: スポニチアネックス
Photo: 日本打吡大賽截圖