Homan

23 January 2020 at 3:53:49 am

首屆沙特盃將會係2月尾舉行，日本整個賽日有61匹馬報名。

當中最高獎金既沙特盃有2019最佳泥地馬Chrysoberyl（クリソベリル）同聲稱跑埋沙特盃退役既「金色夢」（Gold Dream，ゴールドドリーム）。佢地既幕後就話如果檢疫程序繁複就唔會遠征沙特。

日本政府似乎收到佢地既聲音，農林水產省（姐係香港漁農署啲Friend）係上星期同沙特簽訂日本馬參與沙特國際賽賽馬賽事既輸出協議，令日本賽駒遠征沙特既檢疫程序得以簡化，只需做一啲基本檢疫，如驗血等。雖然番去日本既時候，仍然要去其他國家做檢疫，但如果下一站係阿聯酋杜拜既話，相信呢個問題就隨之而解決。

順帶一提，香港代表「烽煙四喜」都有報沙特盃，不過香港同沙特之間並無任何檢疫協議。意味著佢要去沙特既話，將需要到沙特認可既第三國做檢疫，即阿聯酋杜拜或英國等地，隔離一段時間先可以入境。咁睇個勢一係政府同沙特簽協議，一係唔去。睇黎後者機會幾高，或者「烽煙四喜」遠征杜拜世界盃嘉年華啲賽事咪仲好。

Source: 日刊スポーツ