【日本栗東訓練中心大火 四駒死三人送院】

Homan

14 August 2020, 1:15:37 pm

日本中央競馬協會關西訓練中心——栗東訓練中心,中心內既村山明馬房當地時間下午五時半左右發生大火,大量濃煙吹上半空。

有四匹賽駒不幸於火災中離世,當中有三匹兩歲馬(アオイホープ、トーアキャンディス、ケイティレジェンド)及一匹七歲馬(ミラクルユニバンス)。當中アオイホープ及ミラクルユニバンス原定於本週日上陣。

而有三名消防員於救火期間中暑,需送院治理。據知當地天氣炎熱,亦令火勢更難控制。消防員於火燭後近一個多小時後將火救熄。

出事既村山明馬房曾經訓練過一級賽冠軍「小林歷奇」(コパノリッキー),而該馬房現時備受關注既賽駒「活蹦雀躍」(コパノキッキング)兩日前於佐賀出戰交流三級賽,現時於小倉競馬場短暫停留而逃過一劫。而村山明馬房兩旁既中尾秀正馬房及高柳大輔馬房既人馬都能逃離火場,並無大礙。

面積達150萬平方米既栗東訓練中心,有超過2000匹賽駒於該中心接受訓練,今次為中心設立而來第一次有咁大範圍既火災。至於火警原因,相信要等當局進一步調查先可以確認到。

Source: サンケイスポーツ