【日本年內最後一場一級賽 強手遠去Omega Perfume勝望極高】

Homan

終於黎到2020年日本最後一場一級賽,今年雌馬於各項一級賽成績出色。不過今場雄馬一定可以重振雄風,因為東京大賞典名單並無任何雌馬在陣。

中央馬焦點當然係Omega Perfume(オメガパフューム),今年兩戰一級賽都輸比Chrysoberyl(クリソベリル)。今次Chrysoberyl唔跑,仲要番去右轉場地,Omega Perfume 13戰右轉泥地,全數上名,而且大井出賽更未甩過Q,今場相當穩陣。

另外一匹焦目馬會係日本泥地打吡大賽冠軍Danon Pharaoh(ダノンファラオ)。雖然佢係 JBC Classic只得第五,但上月尾於浦和紀念賽重返勝軌贏馬。今仗將會考驗其級數。而2018年冠軍盃亞軍Westerlund(ウェスタールンド)將會係中央代表中既第三勢力。今年表現雖然唔算亮眼,但勝在夠穩定。今仗會初跑大井既泥地賽事。而其他中央參賽馬年內都冇贏過地方或中央既泥地級際賽,當中Hana's Legend(ハナズレジェンド)上場突然轉泥地就贏馬,幕後特意為佢報呢場,睇下會唔會其實係泥叻過草好多喇!

而地方馬方面,地方OP勝島王冠既頭三名都會出戰。當中上仗嚇親大家一放到底既勝島王冠冠軍Casino Fountain(カジノフォンテン)上年尾開始大爆發,換上張田昂後,近9戰贏出7場,包括上場勝島王冠。究竟呢匹純地方馬可否繼續佢既神奇之旅呢?

純地方馬當然唔少得Mogiana Flavor(モジアナフレイバー),今年雖然只得一場頭馬,但上年東京大賞典都有季軍,實力不容忽視。而中央移藉地方都已經年半既「信子之夢」(Nonkono Yume,ノンコノユメ),移藉後表現穩定,今仗都會係地方馬既希望之一。

睇下邊匹賽駒可以奪走今年日本2020年最後一場一級賽喇!