【日本女騎師史上第一人】今村聖奈通算第31W 首季即獲出戰一級賽資格

Ramos

20 August 2022, 6:57:26 am

今村聖奈嘅出現,成為日本現役第四位中央女騎師之外,今年更加屢創紀錄,除了打破首季出道勝出最多頭馬嘅女騎師 (頭馬不斷更新中),更成為首位初跑重賞就能立即贏馬的女騎師。

截至今日賽前為止,今村聖奈的頭馬數目為30場 (中央26場,地方4場),今日在小倉的第六場賽事,1700米泥地的兩歲新馬,策騎練馬師齊藤崇史訓練的大熱門 Yamanin Ours,排8檔起步,起步應聲彈出,瞬即跟隨領放馬 Daimei Seven 外側第二位,直到第三彎位時發力走甩群駒,如入無人之境下,大勝亞軍4.3秒,取得中央的第27場頭馬,年間通算的第31場勝仗。因為日本騎師出戰一級賽的條件,需要勝出31場頭馬,因此今村聖奈勝出今場後,將會獲得出戰一級賽資格。首季即能取得跑一級賽的資格,真係唔簡單,尤其係女騎師更加難能可貴。相信將來今村聖奈出戰一級賽,馬場內外都會十分哄動,屆時應可媲美藤田菜七子喺2019年策騎「活蹦雀躍」出戰二月錦標時的場面。如果能夠喺短途馬錦標上陣,更將會刷新見習生最快出戰一級賽嘅紀錄 (211日)。(2008年 三浦皇成,出道218日出戰短途馬錦標;1996年 福永祐一,出道232日出戰秋華賞)

Source: TospoKeiba