【日本地方騎師中武肺 25號川崎賽事取消】

Homan

今早川崎地方競馬賽事,因有一名以船橋為策騎基地既騎師於前檢既武漢肺炎測試呈陽性,令川崎競馬場急急宣布今日賽事取消,並為所有緊密接觸者隔離並檢驗。

而防止病毒進一步擴散,聽日25號既川崎會繼續取消。至於26至28號既賽事安排會另行公布。據知該名騎師上星期於大井馬場策騎,而上星期四,大井一名練馬師亦確診,暫未知兩名患者是否有關聯。

另外,川崎競馬場預計下個月會重開比馬迷入場,原定今日係全開重開前既局部開放日。然而,賽事突然取消,令馬迷因而白行一趟。未知,今次既事件會否令重開計劃有所延誤。

另一個地方競馬場,名古屋馬場將於九月一號重新開放比馬迷入場,九月成個月除左指定席外,都會免費比馬迷入場。而入場馬迷需戴口罩及入場前需量體溫,過高者將被拒絕入場。


Source: 中日スポーツ; 日刊スポーツ