【日本地方競馬有幾蓬勃?「春麗」賽事投注額紀錄被打破】

Homan

日本不勝馬「春麗」(Haru Urara,ハルウララ)服役期間未嘗一勝,不過競賽生涯中多次為高知馬場帶黎不俗既投注額。

「春麗」原為高知單場最高投注額賽事既參賽馬,2004年「春麗」由武豊策騎,備受注目,最終賣到做大熱門,而總投注額為約五億一千萬日圓(約等於2004年既三千六百萬港元)。最後「春麗」雖落第而回,但高知馬場只要投注額高,收入就越高。

近年隨著日本網上投注技術發達,多個地方競馬組合起死回生,甚至投注額不斷創新高。而今日於高知馬場舉行既日本三級賽,中央地方交流黑船賞就打破2004年「春麗」既舊紀錄,該場賽事總投注額為約六億四千一百萬日圓(約四千五百萬港元)。雖然對比香港投注額,仍然仲有d差距,但對於當地而言,已經係相當唔錯既成績。

Source: netkeiba.com