【日本代表】兩Sunday Racing 賽駒部署皇家雅士谷賽期

Homan

21 April 2022, 1:14:49 pm

日本代表喺啱啱過去嘅沙特盃賽日及杜拜世界盃賽夜大豐收,似乎見到成績咁好,繼續派馬遠征。

兩匹Sunday Racing 賽駒,杜拜司馬經典賽冠軍「大帝」(Shahryar,シャフリヤール)及朝日盃未來錦標冠軍「攻必勝」(Grenadier Guards ,グレナディアガーズ)都會部署出戰。

「大帝」預計會出戰一級賽威爾斯親王錦標(10化郎)。睇番之前嘅報導,練馬師藤原英昭就曾表示希望「大帝」專注哩半一級賽,唔知今次縮程會唔會好大影響喇!以往曾有三駒出戰威爾斯親王錦標,分別係「史匹堡」(Spielberg,スピルバーグ)、「榮進之光」(A Shin Hikari,エイシンヒカリ)及「迪雅卓」(Deirdre,ディアドラ),全數都只可以以第6名過終點。

早前日本政府將日本代表賽駒在外滯留時間由60日增至90日,如果「大帝」想出戰凱旋門大賽的話,就要先番一番日本。不過呢項改變,令日本部署歐洲大賽時可以有更多變化,至少可以見到日本馬跑完朱德望國際錦標後,再出戰凱旋門大賽。

而「攻必勝」就會出戰6化郎嘅白金禧錦標(前身為鑽禧錦標)。將會喺第一匹「范高爾」(Frankel)子嗣番到英國作賽嘅日本代表,睇下又表現成點啦。


另外,三匹矢作芳人嘅賽駒早前報名出戰凱旋門大賽,包括杜拜草地大賽冠軍「本初之海」(Panthalassa,パンサラッサ)、杜拜金盃冠軍「愚者眼界」(Stay Foolish,ステイフーリッシュ)及「皇室徽號」(Unicorn Lion,ユニコーンライオン)。矢作就話只係報定先,等到時可以有更多選擇。


Source: sponichi
Photo: Racing TV