【日本京都發生連環五駒墮馬意外】

Homan

26 April 2020 at 2:15:29 am

啱啱既京都第一場賽事，岩田康誠既座騎ダイヴィンダート（14號）於直路上斷腳，拋下騎師。

由於當時ダイヴィンダート守係第三位，多匹後上馬躲避不及，撞到ダイヴィンダート而連環墮馬。

除左岩田康誠外，有四位騎師收掣不及墮馬，包括松山弘平（6號）、高倉稜（12號）、松若風馬（15號）及小崎綾也（16號）。當中松山弘平及岩田康誠今日所座騎需要易配。騎師松山弘平早前贏得櫻花賞，今個星期更難得地係出道十一年來第二次Full Book，結果未能完成所有賽事。暫時未知松山弘平及岩田康誠既情況，會有進一步公布。

【21:52】更新

兩位座騎需要易配既騎師松山弘平及岩田康誠並冇生命危險。前者懷疑盤骨骨折，但檢查後並冇大礙。佢仲聯絡係檢查後聯絡下星期春季天皇賞座騎 メイショウテンゲン 既練馬師表示下星期仍然可以履行聘約，唔使換人。而岩田康誠就懷疑右前腕骨骨折，暫時未有關於其傷勢既進一步消息。佢下星期會騎「笑一笑」（ユーキャンスマイル）出戰春季天皇賞。

而各匹捲入意外既賽駒，除左造成墮馬意外既ダイヴィンダート因左前腳開放性骨折而要人道毀滅外，其他賽駒一切正常。希望佢一路好走...

Video Source: JRA