【方嘉柏：陳嘉熙需要重建信心】

Homan

19 January 2021 at 5:10:54 am

陳嘉熙早前由羅富全馬房轉到方嘉柏馬房繼續香港見習騎師生涯。

方嘉柏琴日接受SCMP訪問時透露佢認為陳嘉熙需要重建陣上信心，因此佢會提供有機會座騎，比佢自己覺得有機會爭勝。方嘉柏就話自己唔比太多指示陳嘉熙，並希望陳嘉熙可以多啲做決定。賽前方嘉柏會有一啲指示，但佢相信出閘後或不如計劃預期，陳嘉熙必需有信心及能力執行Plan B 甚至 Plan C。

方嘉柏就話佢唔介意陳嘉熙犯錯，相信可以於適當時間坐底分析邊個地方出錯，而且做得更好。呢個教學方針知易行難，不過方嘉柏已經以行動嘗試協助陳嘉熙，佢星期三三匹座騎，全數來自方嘉柏，當中「賞心星」及「帆哥兒」近仗都跑得接近，而「一拍即合」則久休初出，但上季成績都相當穩定。

睇下陳嘉熙係方嘉柏協助下，會唔會可以黎個大反彈喇！

Source: SCMP