【新官上任】潘頓：新首席受薪董事方顯韜的新標準難以持久

Homan

20 February 2023 at 6:47:53 am

潘頓琴日喺策騎「開心寶貝」被裁定不小心策騎，被罰停賽兩個賽馬日（3月5及3月9號）。潘頓接受SCMP訪問直指新首席受薪董事方顯韜嘅標準令騎師失去信心。

新首席受薪董事方顯韜喺今年2月接替離職嘅祁禮謙擔任首席受薪董事。方顯韜接替嘅六個賽馬日入面，有九位騎師被判陣上犯規而需要停賽：

2月1日
第八場：賀銘年（「終身美麗」）於接近八百米處時不小心策騎（二月十五日開始停賽，二月二十日才可恢復出賽-兩個香港賽馬日）。
霍宏聲（「戰熊三千」）於接近一百五十米處時不小心策騎（二月十九日開始停賽，二月二十三日才可恢復出賽-兩個香港賽馬日）。

2月8日
第一場：蘇兆輝（「幸運飛彈」）於趨近千三米處時不小心策騎（三月八日開始停賽，三月十六日才可恢復出賽-三個香港賽馬日）。
第八場：陳嘉熙（「精靈勇士」）於接近六百米處時不小心策騎（二月十五日開始停賽，二月二十日才可恢復出賽-兩個香港賽馬日）。

2月12日
第七場：班德禮（「龍騰飛翔」）於接近七百米處時不小心策騎（二月十九日開始停賽，二月二十三日才可恢復出賽-兩個香港賽馬日）。

2月15日
第四場：見習騎師鍾易禮（「建測羣英」）於首次跑過終點時不小心策騎（三月五日開始停賽，三月九日才可恢復出賽-兩個香港賽馬日）。

2月19日
第八場：巴度（「同舟共濟」）於接近一千米處時不小心策騎（三月一日開始停賽，三月六日才可恢復出賽-兩個香港賽馬日）。
第十場：潘頓（「開心寶貝」）於接近千二米處時不小心策騎（三月五日開始停賽，三月九日才可恢復出賽-兩個香港賽馬日）。
希威森（「鐵三角」）於過了千一米處後不小心策騎（三月十一日開始停賽，三月十六日才可恢復出賽-兩個香港賽馬日）。

對於自己琴日嘅陣上犯規，佢自己就唔認同，直言自己做左騎師16年，未見過任何一個騎師因擠壓對手而被罰，佢認為自己當時嘅騎法並足以不構成犯規。而事實上賽後報告以：「潘頓（「開心寶貝」）被裁定一項不小心策騎〔賽事規例第100(1)條〕。」作紀錄，意味著佢並未承認自己犯規。

潘頓話如果呢個係方顯韜嘅新標準，佢認為未來會繼續有更多騎師因此停賽，導致最終無足夠嘅騎師上陣。佢話香港與其他地方如英國或澳洲相比，騎師數目有限，繼續以此標準判罰騎師，賽日或因此未有足夠騎師可供選擇。佢直言新標準令騎師室內嘅騎師失去信心。

佢相信方顯韜因為只係黎左香港幾個月，未有足夠經驗。佢認為應該比方顯韜坐正之前，應該安排比佢喺競賽董事小組了解香港一至兩年，先比佢升正。如果情況持續，潘頓就擔心唔少海外騎師見到咁嚴格嘅判罰標準，會導致佢地唔願意申請來港策騎，因為咁樣有機會令到佢地被逼經常停賽。

潘頓就話3月初因為有兩個賽馬日停賽，佢或者會番澳洲客串3月4號嘅大賽，可能去維省或者悉尼，咁啱呢兩個地方果日都會有一級賽，睇下到時呢位冠軍騎師會揀邊度喇！據Racenet透露，潘頓將會策「雅騰雲」（Artorius）出戰喺悉尼蘭域馬場上演嘅一級賽肯德百里錦標（Canterbury Stakes）。


Source: SCMP
Photo: HKJC
==============================
Telegram公海：https://t.me/GoldRacing
YoutubeChannel：https://www.youtube.com/c/GoldracingHK競馬知舍
Instagram：https://www.instagram.com/gold.racing/
Patreon：https://www.patreon.com/hkgoldracing
FacebookPage：https://www.facebook.com/HKGoldRacing
Twitch：https://www.twitch.tv/goldenrace
賽馬新聞：https://www.hkgoldracing.com/news-1