Homan

10 June 2022 at 6:04:11 am

牌照委會員今日開會，決定下一季練馬師及騎師。焦點放喺新華人練馬師及新騎師身上。除左早前一早公布嘅黎昭昇外，會前預計會有多一位華人練馬師同新騎師會公布。

華人練馬師方面，伍鵬志與巫偉傑等五位入紙申請。經過一輪面試後，牌照委會員今日公布伍鵬志成新練馬師，會喺7月17號生效。伍鵬志為前練馬師伍碧權之子，2007年加入馬會，由策騎員做起。伍鵬志現年38歲，曾任蘇保羅、蔡約翰副練馬師。現時為呂健威嘅副練馬師。

而新騎師方面，一點幾呢份新聞稿就無包海外騎師，未知今日會唔會都處理埋。無論如何，千呼萬喚嘅新牌仔終於番黎。現時於南澳受訓嘅鍾易禮將會於下季初開始喺香港上陣。鍾易禮自2019年尾於當地受訓，2021年開始於當地上陣，當地出賽689次，取得76場頭馬，得勝率為百分之11.1。

其他騎師陣容方面就除左薛恩外，其餘現任騎師都繼續獲得全季牌照。牌照委員會特意要求海外騎師回港前需至少於開季前七日番到香港隔離，先可以符合牌照資格。

其餘牌照委員會決定可參閱：https://www.hkjc.com/chinese/pressrelease/mcs01_showhtml.asp?SelType=NEWS&filename=20220610_135738_C_NEWS.htm

Source: HKJC
Photo: HKJC