【新南威爾斯騎師協會倡到訪騎師限制】

Homan

2 July 2020 at 5:19:46 am

新南威爾斯騎師協會表示會向當地馬會提議禁止其他國家既見習生到新南威爾斯州策騎，亦禁止其他國家既騎師於當地長期策騎。而到訪既騎師需要符合一定條件（在過去十二個月內：騎師榜頭三名或贏得一場一級賽或兩場二級賽或三場三級賽）。

佢地表示到訪騎師會分薄佢地當地騎師既收入及獎金，同時亦會分薄當地見習生或騎師既策騎機會。而即使有其他國家騎師來訪，都只有少數騎師可以引起關注，認為當中成效唔大。

近來到訪當地既騎師，英國騎師馬昆（Tom Marquand）成績最為優異。佢係當地城市馬場取得21場頭馬，當中包括策騎「加踏步」（Addeybb）勝出一級賽女皇伊利沙伯二世錦標及蘭威錦標。而現時係當地策騎既愛爾蘭藉騎師杜倫（Robbie Dolan）亦於上季贏出當地見習生冠軍。或者因為咁，佢地都想比多啲機會當地既騎師，睇下到時當地馬會既決定如何喇！我淨係知而家要飛就好難咁。

Source: Racenet