Homan

3 February 2021 at 5:04:43 am

2020年日本最佳短途馬「放聲歡呼」（Gran Alegria，グランアレグリア），上年攻下安田紀念賽、短途馬錦標及一哩冠軍賽，並於高松宮紀念賽獲得亞軍。競賽生涯10戰都於1600米或以下路程作賽。

由藤沢和雄訓練既「放聲歡呼」早於上年尾已有想法今年增程至中距離作賽，今年年初亦有傳媒透露幕後意部署「放聲歡呼」出戰中距離路線。今日Sunday Racing既既吉田俊介證實「放聲歡呼」將於四月復出，並以大阪盃為目標，同時亦都係佢首次戰2000米賽事。消息指，李慕華認為「放聲歡呼」出戰短途驚留得太後，因此建議出戰中距離賽事。

由於早前兩匹三冠馬「鐵鳥翱天」（コントレイル，Contrail）及「謀勇兼備」（デアリングタクト，Daring Tact）都有意進軍大阪盃。前者會直接於4月復出，而後則先會於3月中金鯱賞，預計熱身過後會進軍大阪盃。若最終三匹賽駒都會出戰大阪盃，相信觸目程度不亞於上年日本盃。

Source: nikkansports