【數匹澳紐賽駒將售予香港 包括澳洲打吡亞軍】

Homan

連續兩日都有澳紐賽駒將來港服役消息。

琴日有消息指上年澳洲打吡亞軍「澤布斯基」(Zebrowski)已經售予香港馬主,並會交由練馬師方嘉柏訓練。「澤布斯基」先後三次於級際賽跑入亞軍,但至今仍未勝出當地級際賽。上年春天表現令人失望,六戰級際賽僅於Herbert Power Stakes跑入亞軍。睇下轉下新環境會唔會可以更上一層樓喇!

另外,希斯家族既一條龍服務將有一至兩匹賽駒運往香港。上年三級賽卡賓會錦標既頭兩名,同樣都係由戴寶力及比安希斯訓練既Crosshaven及Aysar都會售予香港馬主並交由大衛希斯訓練。Crosshaven基本上已落實前往香港服役,呢匹柯爾錦標季軍深受希斯重視。

而Aysar就需要等候獸醫報告,確保符合香港賽駒服役條件。如果Aysar成功通過獸醫測試,佢將會被閹並運往香港服役,大衛希斯就話會訓練Aysar成為短途馬。Aysar原馬主係咸頓酋長,早前酋長宣布撤出南半球,Aysar早前未於澳洲堅尼贏馬,未能成為種馬,因此樂意售出Aysar。不過一旦未通獸醫測試,Aysar會繼續留澳服役,並瞄準當地大賽。

而紐西蘭方面,China Horse Club 宣布旗下紐西蘭表列賽Sir Colin Meads亞軍Suffused已售予香港馬主,並將會運往香港,暫未知交由邊個訓練。

Source: Racing.com