Homan

9 September 2021 at 8:53:51 am

今個週末，愛爾蘭、英國及法國都有大賽上演。愛爾蘭將會有愛爾蘭冠軍錦標，而英國則有英國聖烈治錦標。法國星期日就會有一級賽紅寶錦標及兩場凱旋門預賽，尼爾錦標及福伊錦標。

岳伯仁陣營當然會多路興兵，陣營內兩匹最強三歲馬「金教堂」（St Mark's Basilica，愛爾蘭冠軍錦標）及「雪滿天」（Snowfall，紅寶錦標）都會上陣。岳伯仁表示莫雅如無意外將整個週末留守愛爾蘭，為岳伯仁效力，除策「金教堂」外，佢亦有機會策「后土」（Mother Earth）出戰同日馬頓錦標。

而遠征法國紅寶錦標既「雪滿天」就好有機會再次交由戴圖理操刀。當然大前提係要戴圖理會於星期日法國賽事上陣。除「雪滿天」外，岳伯仁亦預計貝蒙園打吡冠軍「翩然舞姿」（Bolshoi Ballet）出戰尼爾錦標，且看能否重返勝門喇！