【擇日研訊 波健士策「美活人生」跑法受質疑 其他騎師未被詢問】

Homan

18 April 2021 at 12:12:26 pm

琴日香港第四場賽事，田泰安策「幸運精選」一放到底贏馬。賽事總時間為1分50秒13，慢標準時間2.52秒。

賽事頭段與標準時間相近，但第二段起，賽事步速逐步減慢，但領放既「幸運精選」與「幸運飛彈」雙雙彈甩馬群，兩駒一度與馬群拉開近七個身位。第二段至第四段既比標準時間分別慢0.8秒、1.45秒及0.57秒。首四段合共慢2.76秒。對比同日為草地賽事既第八及第十場兩場1400米，首三段分別慢0.25秒及快0.74秒。小組於賽後研訊中詢問「美活人生」既練馬師沈集成及波健士於千六米處後既一段跑法，並將會擇日研訊。

「美活人生」早段置於第三位，末段越過「幸運飛彈」得第二。未知小組是否認為「美活人生」於千六米處上前緊隨「幸運精選」上前而受質疑。若然如此，早段留守於「美活人生」後面賽駒既鞍上人亦應詢問，但競賽小組於賽後報告並未有相關紀錄。

英國二月紐卡素既一場長途賽，亦有類似情況。當地董事亦有詢問同場所有騎師。（相關報導： https://bit.ly/2QCAJjf ）現時仍未知波健士因何事受質疑，但若然因判斷步速失誤而受罰，咁早段比佢留得更後既其他騎師都唔應該走得甩。且看之後研訊，競賽小組點講喇！

Photo Credit: HKJC
Source: HKJC