【搵香港騎師幫手】兩日本HKIR參戰馬將配本地騎師出戰

Homan

25 November 2021, 9:39:48 am

香港國際賽名單琴日公布,配搭亦陸續浮面。本地騎師不時會策騎外隊馬出戰,今年亦不例外。

矢作芳人馬房嘅「愚者眼界」(Stay Foolish,ステイフーリッシュ)將會出戰香港瓶。雖然何澤堯未能策騎「唯獨愛你」(Loves Only You,ラヴズオンリーユー)出戰香港盃,該駒將交由川田將雅執韁。但練馬師矢作芳人似乎比上次何澤堯嘅表現吸引到,決定將「愚者眼界」交由何澤堯操刀,睇下呢對騎練合作可唔可以再次合作成功喇!

另外,社台另一匹參戰馬「陳年美酒」(Vin de Garde,ヴァンドギャルド)將會出戰香港一哩錦標。呢匹杜拜草地大賽亞軍雖然上仗於美國失利,但最仍然入選。佢將會交由田泰安操刀。對上一次田泰安策騎日本賽駒於香港上陣,都係今年女皇盃。當時佢騎「耀滿瓶」(Glory Vase,グローリーヴェイズ)跑入亞軍。

除此之外,香港代表「友誼至好」今早宣布退出香港一哩錦標。

Source: スポーツ報知
Photo: HKJC