【提高參與維省春季嘉年華賽駒健康要求 練馬師或放棄遠征】

Homan

29 April 2021, 3:43:21 am

「御用畫匠」(Anthony Van Dyck)報告琴日出爐(https://bit.ly/3sVE6iX),維省馬會指出「御用畫匠」雖然曾一度不良於行,但整個過程符合佢地既程序,因此練馬師唔需要受罰。

為左避免同類事件再發生,維省馬會於調查報告提出44項建議改善情況。建議圍繞賽駒出發前、抵澳後及於Werribee遠征賽駒檢疫營內既情況。

維省馬會建議Werribee遠征賽駒檢疫營只可以有24匹賽駒,並只允許抵澳出戰一場熱身賽及一場大賽。而賽駒於出發前於兩至六星期前接受獸醫檢查,包括需要做一次全身掃描及四肢既MRI,以確保出發前並冇任何問題,並且如曾有骨折或接受過骨科手術既賽駒將不能夠進入Werribee檢疫營,亦即唔能夠出戰維省春季嘉年華。出發前一星期,遠征賽駒需得到維省馬會認可獸醫檢查先可以出發。

抵達Werribee檢疫營後,所有遠征賽駒於出賽都需要做CT Scan,以確保賽駒健康出戰。而維省馬會亦會安排人手監察遠征賽駒的操練強度,以確保佢地唔會因過度操練而於陣上受傷。Werribee檢疫營既sand-fibre(纖維砂)賽道會加深,將可以更加保障賽駒。如遠征賽駒會於春季嘉年華繼續留係澳洲出賽,佢地都需要留係Werribee檢疫營直至嘉年華完結。

而於墨爾本盃前,所有參賽馬,無論是否遠征賽駒,都需於賽前接受CT Scan,以確保賽駒適合出賽。

琴日完整報告出爐後,各界反應不一。練馬師岳本賢表示對任何可以減低賽駒受傷機會既措施都會支持。而佢地會就住當局既建議研究呢啲建議對佢地遠征澳洲影響。

練馬師范朗善就表示建議或令近三年都於墨爾本盃上名既「亞朗親王」(Prince Of Arran)未能上陣。范朗善就話「亞朗親王」曾於六年前骨折,如跟隨建議將無法上陣。佢就質疑,曾骨折賽駒如能康復,骨折處應該更強壯,不應因此禁止賽駒上陣。

賽馬節目主持Nick Luck就表示建議需遠征維省春季嘉年華賽駒提早更多準備,相信會令遠征該嘉年華既賽駒卻步。

考菲爾德盃及墨爾本盃報名將會提早至8月3,以確保遠征賽駒有足夠時間做建議上既檢查。

維省馬會建議提高要求無疑可以減低賽駒陣上受傷既機會,這無疑會令世界各地遠征該嘉年華賽事卻步,且看今屆墨盃最終有幾多匹遠征賽駒喇!

Source: Racing.com
報告全文:https://cdn.racing.com/-/media/rv/2021-rv/the-sport/2021-04-28-international-injury-review-report-final-280421-1.pdf?la=en

Photo Credit: Racing Photos