【抖多過一年】「謀勇兼備」5月初出 及後劍指寶塚紀念賽

Homan

31 March 2022 at 9:56:15 am

2020年無敗三冠馬后「謀勇兼備」（Daring Tact，デアリングタクト）自上年香港女皇盃後就休養至今未有上陣。

「謀勇兼備」當時被驗出懸韌帶發炎，幕後決定以幹細胞移植療法治療。經過一段時間休養及復康，腳傷已康復並已決定復出時間表。岡田牧場代表岡田牧雄接受訪問時表示「謀勇兼備」稍後會番到馬房，如一切如常就會先以5月維多利亞一哩賽為復出戰。然後就會向6月尾寶塚紀念賽進軍。

主理騎師松山弘平早前墮馬受傷，預計傷出約一個月。若「謀勇兼備」喺5月中復出，未知松山能否趕得切傷癒上陣。如未能趕及，「謀勇兼備」或交由其他騎師操刀。

現時有Sodashi（ソダシ）及「前人足跡」（Songline，ソングライン）都表明有意出戰維多利亞一哩賽，如「謀勇兼備」都出戰，相信會屆時會好精彩。

Source: Nikkansports
Photo: HKJC