【打吡過後「達心星」或縮回一哩「將王」進軍中長途大賽】

Homan

22 March 2021, 2:06:20 am

「達心星」憑鞍上人出色走位,終點前力抗「將王」來犯,攻下香港打吡大賽。

據新報報導,賽後方嘉柏接受傳媒訪問時透露,應該今屆水準平均,賽前並唔係充滿信心。贏出全靠檔位及陣上際遇。佢表示會視乎「達心星」之後既情況,好大機會縮回1400-1600米角逐。而莫雷拉就話「達心星」未必係2000米馬,但佢相信賽駒冠絕同組對手中,因而讓佢提早發力突圍,末段成功抵抗「將王」衝刺。

而最後階段直撲「達心星」既「將王」,再次四歲系列收獲亞軍。網上唔少人對感到可惜,畢竟田泰安取位上與莫雷拉比較下成強烈對比。據SCMP報導,田泰安就表示,團隊賽前計劃於轉入直路時跟隨「包裝永勝」上前,並認為「包裝永勝」可以帶佢既座騎上前並於直路上與其他主要對手比過高低。不過「包裝永勝」不如佢地如期般衝刺,結果繞過「包裝永勝」轉入直路後,被率先突圍既「達心星」拋離甚遠,末段姍姍來遲只獲亞軍。被問到係咪跟錯馬,田泰安就話:「我唔覺得我地跟錯馬,只係其他對手今日狀態及計劃不如如期。」

練馬師韋達就表示,對於「將王」再次跑入亞軍感到失望,不過賽駒來港四場表現逐步提升,認為賽駒會越來越好。佢會留意賽駒今場後既狀態,如一切正常,相信下個月既女皇盃及五月尾既遮打盃會見到「將王」上陣。

Source: SCMP, 新報
Photo: HKJC