【成年無跑】日本馬迷拍手歡迎「謀勇兼備」重返賽場

Homan

16 May 2022, 3:06:58 pm

日本三冠馬后「謀勇兼備」(Daring Tact,デアリングタクト)琴日喺維多利亞一哩賽復出,事隔一年一個月無出賽,最終以第六名衝過終點。

賽前日本馬迷不約而同歡迎呢匹馬后重返賽場。當「謀勇兼備」出跑道,預備走去起步點果陣,全場馬迷以掌聲及歡呼聲歡迎佢番到嚟。甚至有馬迷大叫「歡迎你復出!」。場內主持亦留到最後先介紹「謀勇兼備」,全場掌聲雷動,對呢匹成功克服傷患嘅馬后致以敬意。

致敬片段:https://www.youtube.com/watch?v=jreUWRrUBw4

「謀勇兼備」一年前喺出戰女皇盃後懸韌帶發炎,原以為競賽生涯就此終結。但幕後決定安排佢做手術,嘗試治療傷患。隨著手術成功,復理進度理想。雖然唔知跑唔跑得番,但幕後都想試下。

結果「謀勇兼備」今場以第六名衝過終點,騎練都滿意走勢,畢竟排1檔並唔會容易發揮,而且未出賽咁耐。佢地期望之後會越黎越好。不過佢地就未有明言下一個目標,睇黎都要番到去檢查下「謀勇兼備」個情況先再決定。

Source: nikkansports
Photo: 維多利亞一哩賽截圖