【愛爾蘭放寬精英運動員檢疫 一級賽騎師受惠】

Homan

自疫情爆發,愛爾蘭一直對所有入境人士採取十四天隔離措施。這令許覺能早前遠征法國及簡國能早前遠征英國後,返回愛爾蘭都需要檢疫十四天,即停賽十四天。

近日疫情有所放緩,且歐洲各地賽事恢復。為左方便騎師出外遠征及其他騎師出戰愛爾蘭舉行既一級賽,愛爾蘭政府特意放寬騎師既檢疫政策。任何愛爾蘭騎師若出外遠征一級賽,回國後唔需要檢疫十四天。而其他國家前往愛爾蘭出戰一級賽既騎師,亦唔需要檢疫十四天。以上兩種人士只需出發前做一次武肺測試,而回國後需做兩次,三次結果都呈陰性即可。

相信最先得益既係出戰九月十二號既愛爾蘭冠軍錦標既布宜學及已經抵達愛爾蘭隔離緊既莫雅。後者睇黎好快就唔使坐檢疫監,出黎見佢既拍檔「變魔術」(Magical)。

Source: Racing Post