【忠心鐵馬】冠軍一哩賽冠軍「川河尊駒」宣布退役

Homan

25 November 2021 at 2:12:38 pm

琴日除左有香港國際賽名單公布外，方嘉柏馬房嘅「川河尊駒」亦於同日宣布退役。

現年九歲嘅「川河尊駒」由於來港前已於表列賽取勝，一早已備受注目。而事實上佢亦於來港後第二場已取得頭馬。及後一季取得四場頭馬，並於新加坡一級賽克蘭芝一哩賽贏馬。再之後一季於一哩及中距離跑程兩邊走，但喺一哩不敵「美麗傳承」，中距離就不敵「時時精綵」嘅情況下，只能於克蘭芝一哩賽成功衛冕。

「川河尊駒」一直與一級賽絕緣，直至前季於冠軍一哩賽擊敗「美麗傳承」，為佢帶黎首項一級賽冠軍。即使上季已年屆八歲，仍負頂磅於精英碟取得頭馬，實在唔簡單。「川河尊駒」在港出戰47次，取得九冠八亞八季嘅好成績，上名率超過一半，真係相當唔簡單，尤其上季上陣十次，未曾甩過頭四名。

原本以為佢會跑埋國際賽先退役，不過即使而家退役，佢已經一匹令人印象深刻嘅賽駒，希望佢可以有一個美滿嘅退休生活。

Source: HKJC
Photo: HKJC