Homan

26 April 2020 at 1:42:36 pm

兩匹熱門「旺蝦王」及「忠心勇士」都未能交出符合預期既水準，結果「紅衣醒神」中間一穿就湧左上黎，贏出今屆既主席短途獎。

今場放得出既「忠心勇士」直路上已經墮退。過左終點之後，潘頓從馬背上跳落黎，「忠心勇士」成鼻及前胸都有血，潘頓賽後同大摩講呢次係佢見過其中一個幾嚴重既流鼻血事件。大摩就會建議馬主將「忠心勇士」於香港退役，並轉戰澳洲繼續由大摩訓練。佢認為今次嚴重流鼻血，「忠心勇士」不但需要長時間復原，更需要良好既環境去復原。且看馬主會唔會聽從大摩既建議喇！

而「紅衣醒神」今場表現出色，田泰安就話好開心為呢匹馬再增添一級賽頭馬。而練馬師羅富全就話原本諗住跑埋今季就會將「紅衣醒神」引退，不過跑完今場後就改口風話會再同馬主商量，睇下會唔會繼續比「紅衣醒神」出賽。

Source: SCMP