Homan

1 January 2022 at 1:45:02 pm

西澳洲政府為趕及於下月五日通關，要求當地各行各業接種疫苗。而賽馬行業當然唔會有例外，而西澳冠軍級騎師柏威廉（Willie Pike）因此影響職業生涯。

柏威廉早前已因未有接種疫苗而於Perth Cup「被退出」。基於政府規定，所有大型比賽參加者需要有接種兩針疫苗證明。

佢接受傳媒訪問時透露自己難以理解為何只係去餐廳用餐，都要比自己嘅資料餐廳。佢認為呢個決定令人難以接受。而且作為運動員，疫苗引致嘅健康問題都係佢考慮之列。

若當地馬會一定要佢接種疫苗先可以繼續策騎上陣的話，佢想像唔到自己未來會唔會繼續做騎師。佢話自己仍然相當喜愛策騎，不過佢好大機會因當地政府及馬會嘅政策，而需要忍痛決定。


Source: Racing.com
Photo: Racing Photos