【從化計劃】應家柏：最快26年4月有賽事 長遠引入中國騎師到港參賽

Homan

6 June 2022 at 11:58:10 am

香港賽馬會一直發展從化訓練中心，早前已有消息指就話馬會長遠會喺從化舉辦賽事。

香港賽馬會總裁應家柏接受傳媒採訪時透露預計從化馬場最快會喺2026年4月舉辦賽事，屆時會以「杜拜模式」舉辦，意指境內不可以投注，而境外就可以。若早前資料正確，屆時會以越洋賽事供香港投注者投注從化賽事。

而另一個消息就係香港馬會有意與中國大學合作開辦課程，以培育賽馬人才。由於現時從化最缺乏獸醫，尤其係馬匹醫生，因此會先開辦有關課程培育。另外，應家柏就話長遠可以加深兩地交流，中國培育嘅騎師未來可以到香港參賽上陣，暫時未有特別時間表。

少有地今次馬會並未有相關新聞稿跟進，或者稍後會後補，屆時或者可以得到詳細資料。現時澳門有兩個都中國騎師，分別係特蘇日及黃世浩，兩人今季分別攞到六及五場頭馬。

Photo: HKJC