【延遲開季】2022/23香港馬季開鑼會較以往遲

Homan

28 April 2022, 2:48:43 pm

早前不時有消息傳出,馬會因疫情而有意將來季開鑼日期稍延,比騎練有更多時間休息及離港放鬆。

馬會CEO應家柏接受訪問時承認佢地曾討論延遲開季,以便騎練可以有更多空間休息或離開香港鬆一鬆。佢地正等候香港政府批准整個馬季嘅賽期。佢地原本計劃將開鑼日比原本押後兩星期,但考慮到此舉或影響賽駒部署各項大賽。因此現時希望將開鑼日比原本押後一星期,即預計喺9月11號開鑼。

來季依然有88個賽馬日,但由於遲左開季,預計如遇上打風或其他原因而取消賽馬日,將無其他日子可以補賽。應家柏就表示一旦出現呢啲情況,或可能無辦法補賽。不過到時真係發生就會有唔同辦法補番,而家都成日跑9場啦。

另外,唔少騎練因Racing Bubbles而感到受抑壓,近日稍為放寬,騎練可以出外做運動,約人食飯等。不過SCMP就引述一位資深騎師就話如果再有騎師季尾離港,佢絕對唔會感到意外。睇下放寬左少少,會唔會令原本想走嘅騎師留番低喇!

Source: SCMP
Photo: HKJC