【座騎閘內躍起撞到頭 鄧迪險四肢癱瘓】

Homan

7 September 2020 at 2:00:07 pm

澳洲騎師鄧迪上星期六於滿利谷策騎時墮馬，佢當時於第四場策騎 Shot of Irish，其座騎於閘內躍起，令鄧迪頭部直撞閘口。

佢從馬背上逗留至終點。佢事後隨即被送往醫院檢查，檢查後證實其頸椎第六節骨折。由於頸椎骨折或會令人有機會四肢癱瘓，其主診醫生向鄧迪表示佢相當幸運，佢與四肢癱瘓擦身而過。

醫生相信由於鄧迪並未即時從馬背上墮下避免加劇傷勢，令佢可以避過四肢癱瘓。佢將會開展其復康之路，至少今年十二月前都唔會復出。

而於香港墮馬導致頸椎骨折既澳洲騎師安國倫，佢並未有鄧迪咁好彩，墮馬意外至今近兩年，復康之路相當漫長。

佢由原本被告知四肢癱瘓，現時上半身已可以活動。不過，佢現時仍然未可以活動下半身，故經常見到佢都係坐輪椅出席活動或節目。佢於今年四月接受訪問時透露自己雖然曾經意志消沉，不過佢既女女Lexi 就話好彩爸爸仍然在生，令安國倫心態有所轉變，重新享受生命。祝願佢既情況越黎越好。

Source: Racenet; Dailymail