【幾手準備】利達賢:做好準備應對賽期受影響

Homan

3 March 2022, 12:39:25 pm

港府指疫情嚴峻,並考慮喺今月底開始全民檢測。由於實際操作仍未知,香港賽馬會計劃相關對策,或調整香港賽馬賽程。

SCMP報導,由於現時消息指香港會自3月26號起9日內進行全民檢測,市民除左買野食同藥物將未能出門。當然現時消息就話到時會係咁,但到時係咪咁就真係無人知。

香港賽馬會表示暫未知賽馬人員會否獲豁免,雖然佢地努力會嚴格規定確保進以Racing Bubble繼續舉行賽事。但作為全港其中一間大型機構,好難想像佢地唔會計劃定一旦賽馬被暫停,下一步會點。

馬會賽馬業務及營運總監利達賢接受訪問時就表示現時仍有好多變數,雖然好難有一個實在嘅計劃,但佢地的確考慮緊一旦賽期受影響嘅對策。由於香港打吡大賽於3月20號舉行,若全民檢測真係喺3月26號開始,相信不會受影響。而4月3號嘅冠軍賽馬日預賽日,該日會有兩項二級賽,就好有機會受影響。而4月24號嘅冠軍賽馬日會喺檢測後,預計唔受影響,不過一旦有咩差池,呢一日都有機會跌入全民檢測嘅日子內。

利達賢續指,賽程呢啲野其實都好死,只要調下賽期就可以。反而如果全民禁足,賽駒無人照顧反而係佢地最擔心嘅野,而且因為唔夠人手而令賽駒維持到足夠狀態。

另外就住冠軍賽馬日,利達賢就話如果賽事如期舉行嘅話,外隊馬仍然可以黎參賽,佢地預計外隊人員今次要先來港隔離14日先可以出關照顧馬匹。因此,佢地需要3月底就要來港隔離檢疫。馬會會全力協助,但相信外隊馬數目有限。現時澳洲、法國及英國等國家被禁直飛香港,但日本航班就不在此限,或許佢地會派賽駒來港參賽。

究竟會唔會停跑馬,仍然言之尚早,但有一點不變嘅係,一旦停跑馬,馬會會有相對措施應對。

Source: SCMP
Photo: HKJC