【帯広競馬特別既馬匹退出原因：今朝生左個仔】

Homan

17 August 2020 at 8:34:03 pm

琴日帯広競馬賽事，三歲雌馬タケノセーイコー因為生左個仔而退出賽事。係帯広競馬首次有賽駒咁樣退出。

帯広競馬並非純種馬賽事，而係由重型馬匹進行拖物競賽，如Percheron、Breton及Belgian horse。由於身型較龐大，參賽賽駒由800kg – 1200kg左右，タケノセーイコー只得958kg 難以被發現懷孕。

而タケノセーイコー於今個月初出道時未能完成賽事，並需要測試是否適合角逐。合格後，報名出戰琴日既賽事。然而係17號朝早，馬房職員於タケノセーイコー既馬格發現一匹從未見過既馬仔，故通知練馬師，並由練馬師通知馬會取消出賽。

由於今次馬匹係第一胎，所以唔係好見肚。佢地會睇番CCTV研究下タケノセーイコー點樣生個仔出黎。今次係第一次帯広競馬因為有馬生左仔而退出。

相信有好多人都同我有同樣疑問，點解佢會有左，而日本既網民都講左句「聖母受胎？」睇黎都要等下練馬師再解釋。

Source: 日刊スポーツ