【希威森高松宮記念無座騎 大阪杯騎日本打吡冠軍出戰】

Homan

現時係日本客串既希威森原本策騎機會馬「倫敦塔」(Tower of London,タワーオブロンドン)出戰今個星期日一級賽高松宮記念。不過隨著杜拜世界盃賽日取消,令到幾位前領騎師可以出戰高松宮紀念,以致「倫敦塔」將交由福永祐一執韁。

而「野田重擊」(Danon Smash,ダノンスマッシュ)就續配川田將雅。另外,去唔成澳洲既「魔族雅谷」(Mozu Ascot,モズアスコット)就會配上杜滿萊。基本上所有高松宮紀念既參賽馬已經有曬配搭,相信今個星期日見到希威森出戰一級賽既機會相當低。

不過佢已經book定下星期日大阪杯既座騎,佢將會策騎2016年日本打吡冠軍「豐收節」(Makahiki,マカヒキ)出戰。「豐收節」自2016年尼爾錦標後,就再無頭馬進賬,睇下希威森幫唔幫到呢匹大後追馬喇!

Source: スポーツ報知