【希威森三月後轉到日本發展】

Homan

現時係香港策騎既南非希威森,於三月一號既香港賽事後,將會離開香港到其他地方上陣。而最近似乎已經定左下一個策騎地方,就係日本。

呢位二十二歲既年輕人今日就向 SCMP 透露佢將會由三月七號係日本上陣。佢話牌照委員會其實有嘗試留佢,但因為一早已經決定去日本闖一闖,仲話希望學成歸來後可以係香港再次上陣。

佢表示自己上年年尾已經向 JRA 申請客串牌,而事實上佢來港前連續兩年獲得南非冠軍騎師,絕對可以令佢獲得客串資格。佢話暫定於當地客串兩個月,並將會主力為當地大勢力Northern Farm策騎出賽。屆時會係當地既春季大賽期,且四月會有上年係日本掀起旋風既連達文客串,睇下到時佢會唔會可以得到一啲實力既座騎。

Source: SCMP