【布宜學將策「雅大爺」進攻凱旋門大賽】

Ramos

24 September 2021 at 11:27:01 am

艾柏賓認為騎師揀得適合坐騎出賽，代表佢哋可以為該賽駒於賽事中交出最佳表現。

今年舉行的法國凱旋門大賽，適逢為第一百屆賽事，預計今場將會星光熠熠，高多芬宣佈，練馬師艾柏賓訓練的三歲雄馬「雅大爺」，將會落實由布宜學執韁，於這場大賽攻堅。

「雅大爺」今年競賽的成績斐然，先贏葉森打吡，及後於七月再勝出英皇錦標，雖然最近因小傷缺陣尼爾錦標，少咗一場熱身而直出凱旋門大賽，狀態能否及時到位，相信當日就會知道，但布宜學揀得「雅大爺」，都對馬兒有一定期望。至於廄侶「颶風萊恩」早前勝出英國聖烈治大賽，聽日將由杜俊誠進行快跳，之後再商討出戰與否。

對上一匹三歲馬可以同一年攻陷葉森打吡，英皇錦標及凱旋門大賽，要數到1995年的「臨泰萊」，如果「雅大爺」能夠贏得今屆賽事，必定成為一時佳話。

Source: Godolphin.com
Photo: Racing Post