【已非吳下阿蒙】「品德高尚」春季或惡鬥馬后

Homan

19 July 2021 at 1:53:20 pm

「品德高尚」（Zaaki）今年轉到澳洲上陣，用左一段時間適應，終於冬季嘉年華大爆發，於冬季取得1G1及2G2。當中於一級賽東奔盃大勝對手而回，蹄下敗將包括上年覺士盾、今年寶馬錦標冠軍「龍子爵」（Sir Dragonet），表現相當驚人。

「品德高尚」自上月二級賽Q22取勝後一直休息，練馬師Annabel Neasham預計會於九月初1400米二級賽Tramway Stakes復出，之後部署向各項一哩至2000米級際賽進軍。首個目標會係9月18號既一級賽佐治文斯錦標、之後會係二級賽山岡錦標或一級賽東寶錦標，春季終極目標會係覺士盾。

澳洲馬后「雍容爾雅」（Verry Elleegant）自女皇伊利沙伯錦標落敗後一直未有上陣，練馬師華禮納表示會部署該匹八勝一級賽馬后先於八月尾既雲絲仙子錦標復出，之會或會以以上賽事為目標，意味著「品德高尚」好大機會會遇上「雍容爾雅」。「品德高尚」成功適應後表現出色，或者於春季對「雍容爾雅」構成威脅，屆時激戰可期！

Source: Racenet
Photo: Grant Peters–Trackside Photography