【巫顯東策騎「大俠士」手法被小組問話】

Homan

14 June 2020, 3:09:32 pm

剛戰星期三巫顯東於尾場策騎「大俠士」落第而回,小組賽後押後至今日賽前研訊。

小組認為巫顯東策騎「大俠士」雖然未能有預期前速,以致未能領放。而佢亦未有於六百米處以「當家猴王」做遮擋,全程走最外疊,認為佢不必在沒有遮擋下走第四疊,並告誡巫顯東,佢日後若再有這種騎法,有可能會被審視是否適合繼續在香港策騎。

而由於巫顯東賽前收到既策騎指示係領放或守係領放馬外側,故即使出閘唔快,佢都著意搶上去。結果由於果場早段步速都偏快,而且搶放馬都好多,結果埋唔到二疊或者三疊。入彎更比「當家猴王」帶左出去,咁既際遇大敗而回都屬於正常。睇番「大俠士」如果放唔出,基本上都輸得遠。你話要巫顯東因為際遇特登搵「當家猴王」做遮擋而會有好表現,其實都係要搏佢用稍留既跑法都適應到。

而巫顯東當時就選擇左忠於策騎指示,就係推上前,搏可以取得領先,再捱番黎。最後當然失敗左,因為「大俠士」失左先機,又唔夠「跳出世界」果啲快,結果四疊入彎、六疊出彎,一步都無。雖然巫顯東並冇因此停賽,但計埋之前既「競技勇士」,呢啲紀錄相信會增加之後續牌既難度。