【岳品賢以練馬師身份贏出一級賽】

Homan

6 July 2020 at 2:24:08 pm

岳伯仁仔仔岳品賢（Donnacha O’Brien）今年以練馬師身份初出道，即以「珍稀藍鑽」（Fancy Blue）贏出今屆法國橡樹大賽。

呢匹「大震撼」（Deep Impact）子嗣初出由岳品賢以騎師身份夥拍上陣，並取得頭馬。岳品賢轉任練馬師後，其父將「珍稀藍鑽」交比岳品賢訓練。岳品賢亦不負所託，「珍稀藍鑽」只係第二次出戰一級賽就可以贏出，岳品賢以廿一歲之齡成為一級賽頭馬練馬師。佢賽後於愛爾蘭接近訪問時透露，佢認為布達德表現相當出色且做到佢比既策騎指示，佢非常感謝布達德。同時，佢覺得今次既部署相當正確，並未安排「珍稀藍鑽」出戰葉森橡樹大賽，反而進軍法國橡樹大賽，最後雖險勝而回，但佢盛讚「珍稀藍鑽」既表現，認為佢係一匹相當出色既雌馬。

雖然岳品賢現時只係得四場頭馬，但考慮到中間有停過賽，而且咁快贏到一級賽，合格有突。岳伯仁、岳本賢及岳品賢現時三個都係練馬師，岳本賢第一季雖然頭馬數唔多，但亦有一級賽頭馬進賬，除左繼續為古摩亞服務，亦有外線賽駒，都算可以自立到。睇下呢兩兄弟將來會否稱霸英愛馬壇喇！

Source: Racing Post