【岩田康誠怒斥後輩 被罰停賽四個賽日】

Homan

26 April 2021, 4:11:57 pm

日本騎師岩田康誠於上星期六對後輩騎師藤懸貴志惡言相向,被罰即時停賽四個賽馬日,最快可於5月9日復出。

事緣於星期六阪神第二場賽事,新人騎師角田大和策騎既エムティースマイル於轉入直前向外斜跑,令到藤懸貴志既座騎需要抽起勒避,藤懸貴志既座騎亦影響左岩田康誠座騎衝刺。賽後兩位騎師以受害者出現於研訊室。岩田康誠對藤懸貴志勒避時影響到佢感到不滿,激動地對藤懸講:「你條友唔好抽到個成個人企到啦,要忍耐啲(原文:おんどりゃ、あんぐらいのことで(馬から)立つな。耐えろや)。由於おんどりゃ屬大阪方言,有威嚇意思。當時競賽小組提醒岩田用並似乎成功說服岩田,認為意外只係因為角田大和引起,藤懸同岩田都只係受害者。

當事件以為告一段落之際,藤懸同岩田於第6場再相遇。於各自賽駒出跑道慢跳往起步點時,岩田用自己座騎挑釁藤懸,作勢要壓對方座騎埋欄,並向對方講「おんどりゃ」。由於過程有其他騎師睇到,佢地賽後向競賽小組報告。岩田最後承認做過以上行為及講過以上說話。競賽小組以當地賽馬施行規程第147條(20) 處分岩田,即時停賽四個賽馬日,令佢星期日座騎需要易配。

當地既馬房人員、騎師甚至網民都認為刑罰過輕,尤其近幾年岩田康誠越黎越過份,好多人都覺得佢態度唔好。包括佢於成為前列騎師後曾於傳媒有爭執,策騎時發出奇怪聲響、對後輩呼喝等。佢甚至違反武肺禁止出行令,到牧場騎馬及拒絕採訪等。由於好多人出黎圍攻岩田,因而相信今次唔會係第一次。而網民甚至建議釘牌,呼籲馬主唔比馬佢騎師等,以懲罰呢位「龍王」(ロードカナロア)主理騎師。不過最後JRA只係罰左四個賽馬日。

於1999年吉田豐曾以木刀打已故騎師後藤浩輝,最後吉田豐被罰停賽四個月。香港就有郭能於研室內據理力爭,被罰暫停牌照三個月。大家都係part 1地區,究竟把尺係點定出黎既呢?郭能將會於4月29號刑期提出上訴,睇下到時果如何喇!


Source: Yahoo!ニュース オリジナル THE PAGE
Photo Credit: JRA