【官方確認！法國賽事將於五月中回歸】

早前報導過法國賽馬會向政府申請於五月四號起復賽，雖然唔能夠係五月四號復賽，不過法國賽馬會公布，當地賽事確定於五月十一號起恢復。

為左係武漢肺炎疫情下比賽，每匹賽駒除左練馬師、騎師及一名馬房助理外，其他有關人士如馬主都唔能夠入場。呢項措施將一直維持直至另行通知。

仲有另一項措施係，非法國賽駒及騎師直至五月三十一號前，都唔能夠到法國作賽。而呢項措施亦有可能根據實際情況延長。而賽程亦會因應一啲馬場或未能實施防疫措施而有所調整。

Source: Racing Post