【天網恢恢】美國騎師攜電子儀器上陣 被罰釘牌十年

Homan

17 September 2021, 1:56:16 pm

美國萬滿園馬場(Monmouth Park)九月三號一場賽事,董事小組揭發騎師攜電子儀器上陣,最終該騎師被釘牌十年。

現年26歲既美國騎師Tomas Mejia於九月三號策Strongerthanuknow於一千米賽事贏馬。Strongerthanuknow雖然第三位入直路,但走勢強勁,終點前力壓熱門Mumbai贏馬。

本來Tomas Mejia隱藏得好好,不過影頭馬相似乎太興奮,被影到手持電子儀器,小組因而展開研訊。小組指Tomas Mejia當時手持「電馬器」,相信騎師陣上以電擊威嚇馬匹,違反賽事規例。Tomas Mejia既經理人Robert Tuccille曾問有否攜電子儀器上陣,但Tomas未有回答。

當地董事小組雖然並無Tomas陣上使用儀器之證據,但最終仍憑Tomas Mejia當時手持「電馬器」既照片定罪。最終判Tomas釘牌十年,並於期間不得進入任何馬場。而呢個判罰比同類案件為多,如德州曾於2015同類案件罰騎師Roman Chapa釘牌5年。Tomas Mejia有權提出上訴,但未知Tomas會否上訴。

Source: Racing Post
Photo: Ray Paulick