【大井のパキスタンスター】Shitei Taiketsu 報跑中央新潟兩歲草地公開賽

Ramos

1 August 2022 at 3:31:04 am

「輸在起跑線，贏在終點線」除咗形容已退役的性格巨星馬「巴基之星」外，喺今年六月尾，日本地方競馬南關東賽區，亦出現咗一匹具有強烈後勁的新星，初出以「殿一氣」跑贏對手的 Shitei Taiketsu。

這匹 Shitei Taiketsu，父系出自「緬甸皇城」(Bago)，母線則源自「黃金旅程」，現時在大井交由練馬師上杉昌宏訓練，初出交由矢野貴之策騎，回顧其首場賽事，角逐大井的1400米泥地，出閘僅屬一般，其後跑起來十分稚嫩，更一度與主馬群脫節包尾，但最後六百米卻以「殿一氣」趕過前面五匹對手，更造出極快的37秒4，輕勝四個馬位。此駒已報名出戰本週六於新潟競馬場舉行的草地兩歲公開賽 ダリア賞，但因主戰騎師矢野貴之上月初在川崎賽期中使用通訊設備而被罰停賽，要到本月13日才能復出，意味著矢野貴之會錯過與牠挑戰中央的機會，咁到時會配上邊位騎師呢，相信到排位日就有分曉了。

Source: Netkeiba