【多匹報名馬棄戰香港國際賽日「地獄火」交予潘頓執韁】

Homan

12 November 2020 at 2:24:28 pm

雖然馬會早前宣布會以bubbles形式舉辦香港國際賽日，但始終各外國代表回國後隔離措施未能放寬，不少外國代表決定放棄出戰。

日本馬后「杏目」（Almond Eye，アーモンドアイ）今日宣布會以日本盃作為退役前最後一戰，放棄遠征香港。而上屆香港一哩錦標塞車既「冠軍車手」（Indy Champ，インディチャンプ）亦都專注一哩冠軍賽，今年不會出戰香港國際賽日。上月尾傳到火紅火綠既絲綢會四強，結果一匹都唔會黎香港。

而澳洲方面，除左綠化帶（Nature Strip）唔會黎香港外，覺士盾冠軍「龍子爵」（Sir Dragonet）亦因發燒而提早休息，唔會遠征香港。

而歐洲方面，岳伯仁宣布覺士盾亞軍「軍械庫」（Armory）將會缺席。不過，馬會有信心岳伯仁仍然會派馬出戰，當中雌馬「變魔術」（Magical）仍然有機會遠征香港。

而日本代表方面，兩匹「野田」系賽駒——「野田重擊」（Danon Smash，ダノンスマッシュ）、「野田優驥」（Danon Premium，ダノンプレミアム）、衛冕既「勝出光采」（Win Bright，ウインブライト）及「創世駒」（Chrono Genesis，クロノジェネシス）來港機會亦相當大。

而新加坡代表「地獄火」（Inferno）落實出戰香港短途錦標，並交由潘頓執韁。睇下潘頓可唔可以騎外隊贏到香港短途錦標喇。

Source: SCMP