【增加獎金不甘後人】投注額屢創新高 來季香港賽事獎金提升

Homan

16 July 2021 at 2:47:42 pm

除左修改練馬師達標準則外，馬會亦公布來季賽事獎金會有所提升。

二級賽至五班賽總獎金都有所提升，除二班賽外，全部賽事都提升百分之四至五不等。而二班賽就提升約百分之九，總獎金達二百四十萬港元。而一級賽方面，有四項一級賽獎金有所增加，香港盃、香港短途錦標及主席短途獎都增加二百萬港元。當中香港盃總獎金為三千萬港元，成為全球最高獎金既二千米一級賽。另外，香港一哩錦標亦有增加一百萬港元。

雖然近兩年經濟不穩，但整體投注額都有增加。剛過去既一季更係首次超過1300億港元投注額，達1360億港元。馬會將所得回饋落賽事亦屬意料內。雖然獎金額與賽駒未必成正比，但相信可以令馬主用更多資本購入賽駒，國際賽獎金提升亦有助吸引其他國家賽駒遠征，雖則12月仍令各國代表有所顧忌。


Source: HKJC
Photo: HKJC