【國際騎師錦標賽六對六 配馬將有新形式】

Homan

受疫情影響,今年既國際騎師錦標賽只有六位海外騎師前來參戰。

除左之前報導提及既馬昆、杜苑欣、布宜學及巴米高外,莫雅及布達德都會來港參賽。而香港代表將會有個席位,除左潘頓、田泰安、莫雷拉及何澤堯外,截至11月25日為止,今季騎師榜排名第五位及第六位的合資格參賽騎師將可參賽。據知,見習生並不符合資格。換言之,最後兩個席位將會由巴度(15場)、波健士(11場)、史卓豐(10場)、郭能(9場)及蔡明紹(9場)爭奪。當中巴度以4場佔先,相對有利。最後一個席位既爭奪將會相當刺激,睇下邊個可以入選喇!

另外為左避免騎師座騎過份懸殊,馬會今屆將會引入新形式。每關賽事報名馬若多於12匹,評磅員會據其往績揀正選馬,而騎師王條Team會為每位騎師分配四關既座騎。考慮到有啲騎師唔可以騎輕磅馬,馬會雖然已經提升最低造磅至116磅,但相信最直接既方法就係正選馬既分區唔會相差太遠就最理想。睇下呢個新方法會唔會令呢項賽事更加刺激喇!

現時入選騎師
田泰安
潘頓
莫雷拉
何澤堯
馬昆
杜苑欣
布宜學
巴米高
莫雅
布達德

Source: HKJC