【回澳後首上陣】莫丹尼明維省重新出發

Homan

5 April 2022, 12:42:42 pm

澳洲騎師莫丹尼早前放棄騎師牌照,並喺4月2號啟程回澳洲。

莫丹尼早前表示並不習慣喺Racing Bubble下上陣,而且家人亦不如預期般來港與其相聚,佢直言如果家人唔可以喺身邊,工作顯得並非咁重要。同時佢話馬會現時嘅Racing Bubble並不允許佢地離開已劃分嘅區域,令佢地與普通人有分別,佢感到精神出現壓力。因此佢決定放棄牌照回到澳洲繼續策騎生涯。早前就話番到澳洲後會同屋企人短聚後就會再上陣。

聽日佢會喺澳洲復出,先喺Sandown有一匹坐騎,於第9場策Commands The Field 上陣。及後喺星期四Pakenham馬場策六駒上陣。由於並無詳細計劃下番澳洲,佢原本以後唔會咁快有支持。不過練馬師布樹庭及楊麗妮、Gavin Bedggood及佩思等都樂意為佢提供支持,畢竟莫丹尼前往香港前都同佢地合作緊密。

佢祝願同佢同期前往香港嘅嘉里復出後有好成績。

Source: Racing.com
Photo: HKJC